Мэло багаа солихгүй (Дэлгэрэнгүй)

Хойд Америкын үндэсний сагсан бөмбөгийн холбооны Дэнвэр Наггэтс багийн лидер НБА-н өнөө цагийн тод оддын нэг Кармэло Антонигийн багаа солих хүсэл талаар боллоо. Энэ зун Жэимс, Бош, Уэид гэсэн их гурвалыг үүсгэсэн Миаимигийн солилцооны дараа Мэло ирэх жилийг хүлээх бус энэ жил багаа солихыг хүсэж байгаагаа илэрхийлсэн. Түүнийг НБА-н олон багууд сонирхож байснаас Нью-Жэрси Нэтс баг хамгийн өндөр магадлалтай хамгийн идэвхитэй байсан нь юм. Нэтс түүнийг багтаа элсүүлэхийн тулд 4 багийн дундах нүсэр том солилцоог зохион байгуулж байсан ч бүтэлгүйтсэн байна. Хэрэв энэ солилцоо явагдсан бол Мэло Нэтс-д, Кирилэнко Наггэтс-д, энэ жилийн драфтын 3 Фаворс Наггэтс, Игоудала Бобкатс эсвэл Наггэтс-д орох байсан. Мөн эдгээр гол тоглогчдоос гадна тус багуудын энэ жилийн шинэ тоглогчид солилцоонд орох байсан. Тэгэхээр 4 багийн хооронд 20 орчим тоглогчид болон бэлэн мөнгө орсон нүсэр наймаа болох байжээ. Гэвч талууд тохиролцоонд хүрсэнгүй. Гэвч түүний араас багууд ангуучилсаар л байгаа. Мэло Дэнвэртээ дахин нэг жил тоглох болов уу?